Samkvæmt öllu hefði krílið átt að koma í dag
En litla elskulegust áhvað að koma fyrir 8. dögum síðan, við mikinn fögnuð móður sinnar og annara nærstaddra,
Við komum heim síðasta sunnudag og allt gengur eins og í sögu. Auðvitað er hún það fallegasta og besta sem til er í öllum heiminum, drekkur vel og stækkar og dafnar
 
Ég er ekki búin að koma af stað barnalandssíðu, veit ekki alveg hvenær svoleiðis kemst í gagnið.

En tími ekki að sitja hér og skrifa, ætla að fara og horfa meira á fallega barnið

Það er ekki óeðlilegt að finnir fyrir verulegri þreytu.  Hlustaðu á líkamann og hvíldu þig ef þú ert þreytt. 

Lungu barnsins hafa enn ekki náð fullum þroska en það hefur bætt á sig heilmikilli fitu.  Ef barnið er ekki komið í höfuðstöðu núna þá ætti það að gerast fljótlega.  Barnið vegur nú um 2,5 kíló og lengd frá höfði að rófubeini er um 32 sm.

Fór í mæðraskoðun í dag og það er allt í rosa góðu standi. Barnið heldur sig ennþá alveg í sömu kúrfu og ég er eins heilbrigð og ég get orðið held ég bara

Núna fer ég að mæta til hennar alltaf einu sinni í viku og má búast við að finna meira fyrir fyrirvaraverkjum, en þarf ekki að hafa áhyggjur af því eins og síðast af því að það er alveg komin góður tími.

Annars erum við búin að fá góða íbúð sem er alveg ný og verður tilbúin næstu mánaðarmót. Þannig að það er bara gleði.

Svo er bara að sjá hvernig fer með íbúðina mína, hvort að það sé e-h hægt að gera í því að fá þetta borgað og svona. Kemur í ljós.

Erum búin að vera að pæla í nöfnum fyrir bæði kyn og það verður gaman þegar að það kemur að sjá hvort að það passi e-h af þeim við barnið.

Bið um kvitt

kv Ásdís

Barnið er farið að þrýsta það mikið á magann þinn svo það getur verið betra fyrir þig að borða oftar en minna í einu.  Ef þú ert með bjúg sem getur verið alveg eðlilegt þá eru skórnir ef til vill orðnir of þröngir.  Það getur verið gott að vera í sandölum nema þegar þú þarft að vera skóm sem styðja vel við ökklann.  Það er gott að ganga eitthvað á hverjum degi ef þú getur.  Til að minnka bjúg á fótum er gott að sitja þegar tækifæri gefst og setja fætur upp á eitthvað eða jafnvel ennþá betra að leggjast og setja fæturna aðeins hærra.   Það getur einnig hjálpað að gera léttar fótæfingar svo sem að snúa ökklunum í hringi og teygja og rétta úr fótunum til skiptis.  Sund er einnig gott til að draga úr bjúg og getur veitt slökun og vellíðan.

Nú er barnið komið með táneglur og neglurnar á fingrunum geta náð fram fyrir fingurgómana og barnið getur því klórað sig nú þegar.  Barnið vegur nú um 2,3 kíló og lengd frá höfði að rófubeini er um 31 sm.


Ég hélt á tímabili að barnið ætlaði bara að koma í nótt, fékk svo mikla fyrirvaraverki.
En sem betur fer þá var það ekki það slæmt. Ég hef hugsað mér að ganga allavegana það lengi með að ég nái að eiga það hérna á skaganum.
Ljósan sem skoðaði mig í morgun sagði samt að það væri nú e-h smá action í gangi og kollurinn væri mjög neðarlega skorðaður. En núna verð ég bara að reyna að taka því rólega þannig að Tuma-krílið fái aðeins lengri tíma þarna inni
 
Krílið reynir að hreyfa sig alveg eins og það getur þrátt fyrir plássleysi hjá því, þannig að bumban er oft á fleygiferð.

Annars er allt að verða komið sem vantar fyrir barnið, allavegana svona allra fyrst.
Búin að fá svaka fínan vagn sem var keyptur í Svíþjóð með öllum fylgihlutum og svo hef ég fengið lánuð hin og þessi húsgögn hjá vinkonum mínum
 
Jæja ætla að drífa mig í bólið
Kv bráðum aftur bara Ásdís

Nú mun barnið nýta sér allt það pláss sem það mögulega getur og þrýsta á allt sem það getur, til dæmis lungun.  Ef þér finnst erfitt að ná andanum getur hjálpað að sitja eða standa.  Ef þú hefur áhuga á fara á námskeið til undirbúnings fæðingunni eða foreldrahlutverkinu þá er ekki seinna vænna en að drífa sig.  Það er líka tímabært að byrja að taka til föt á barnið.

Barnið er ansi upptekið við að undirbúa sig fyrir lífið utan legsins.  Það æfir sig að sjúga, gerir öndunaræfingar, blikkar augunum, snýr höfðinu, tekur utan um það sem það nær í (hina höndina og naflastrenginn) og réttir úr fótunum.  Húð barnsins er að verða mjög mjúk og ekki eins gegnsæ.  Barnið vegur nú um 2,1 kíló og lengd frá höfði að rófubeini er um 30 sm.

Jæja við vorum í skoðun í morgun og krílið er búið að skorða sig. Ljósan heldur að það sé frekar nett en það kemur svo væntanlega bara í ljós
Ég er farin að hlakka til að hitta væntanlegan fjölskyldumeðlim og fá tækifæri til að kynnast því fyrir utan bumbu.


En annars kom í ljós að íbúðin mín er væntanlega ónýt af hús-sveppum, þannig að nú búum við tímabundið í íbúðinni sem Aðalheiður systir var með á leigu. Frammundan er að tala við hitt og þetta fólk um það hvað hægt er að gera og hvort að það sé möguleiki á að fá þetta bætt á einhvern hátt. Og svo að fara á fullt í það að redda okkur öðru húsnæði.
Þetta er ekki góður tími að fara að flytja fyrir mig, en ég get huggað mig við það að þetta kom upp áður en barnið fæddist. 

En það eru bara 6. vikur eftir

Kv bumbuDís

Veit að ég er búin að vera glötuð í blogginu!!!!!
En það er ansi margt annað sem er búið að vera í gangi þannig að bloggið hefur ekki alveg verið í forgangi hjá mér.  
En ég á sem sagt tæpar 7 vikur eftir samkvæmt bókinni, en gæti náttúrulega verið aðeins meira eða minna. 
En ég  verð að koma með fréttirnar aðeins seinna er ekki í stuði fyrir það núna.
Knús á ykkur ÍsDís.

Nú er kviðurinn líklega farinn að íþyngja þér verulega og þú mæðist meira en áður þegar þú gengur upp stiga.
Barnið vegur rúmlega 1.6 kg, mælist 39 cm og sefur að mestu leyti.

Ég viðurkenni það fúslega að það er mun erfiðara að labba upp stigana heima en áður og það er alveg nóg af þeim. Enda reyni ég yfirleitt að fá annað fólk til að bera hluti fyrir mig upp, en þegar að það er ekki hægt þá tekur endalausan tíma að koma mér upp.

Á morgun er ég komin nákvæmlega 7 mánuði, núna eru tæpar 9 vikur eftir og það er alls ekki langur tími. Mér finnst við eiga eftir að gera svo rosalega margt, það á eftir að mála, koma upp barnadótinu og versla ýmislegt í viðbót. Svo óska ég líka eftir aðstoð í gluggaþvott þegar að málunin er búin
Vonandi eignumst við líka bráðum þvottavél svo að það sé hægt að fara í það að þvo hitt og þetta barnadót.

Annars verð ég alltaf aðeins meira þreytt en er samt ekki tilbúin að taka það neitt rólega af því að það er svo margt sem þarf að gera og auk þess þá þrífur íbúðin sig ekki sjálf því miður. Ég hef smá áhyggjur af því þegar að barnið er komið að þá verði allt alltaf í drasli hérna af því að ég hef þá minni tíma í að þrífa, en það hlýtur að venjast að hugsa um barn meðframm öllu öðru.
Allavegana á ég þó  nokkrar vinkonur sem gera þetta allt saman án þess að blása úr nös, enda miklar dugnaðar konur
 
Ég fer í næstu mæðraskoðun á mánudag og ég reyni að skrifa e-h þá.

Endilega kvittið takk.
Kv BumbuDís

Fóstrið æfir sig í því að draga andann með því að hreyfa brjóstkassann inn og út.
Þú gætir fengið fyrirvaraverki.
Sjálf geturðu kannski hlustað á litla hjartað slá með því að nota pappahólk innan úr eldhúsrúllu og setja annan endann við eyrað og hinn á kviðinn!
Lungu barnsins eru nú nánast fullþroskuð.

Ég nennti ekki að blogga í gær svo að þetta kemur bara einum degi of seint
Annars höfum ég og bumbus það bara nokkuð gott, bumban stækkar bara og krílið virðist hafa minna pláss til að hreyfa sig. Þannig að hreyfingarnar núna eru oft meira svona hnoð heldur en spörk. En auðvitað á það til að ná nokkrum góðum spörkum á mig, sérstaklega í rifbeinin eða niður í lífbein.
Ég verð stundum nokkuð þreytt í bakinu núna og á erfiðara með að sofa og tekst sjaldnast að sofa  í meira en 4-5 tíma.
Annars er ég að pæla í því núna að ég og Guðjón erum ekki í sama blóðflokki, hann er A- en ég er A+.  Ég verð að muna eftir að spyrja ljósuna að því í næstu skoðun. 
Núna er bara komin tími til að fara að undirbúa komu barnsins, ég reyni að fara í næstu viku og sækja þau húsgögn sem að ég er búin að fá lánuð. Svo þurfum við Guðjón að skella okkur suður og kaupa það sem uppá vantar.
Ég er mikið að pæla í því núna hvort að ég vilji nota taubleiur eða bréfbeiur, taubleiur eiga að vera betri fyrir barnið og ódýrari þegar upp er staðið. En auðvitað meiri þvottur og það þarf að skipta oftar á barninu. Bréfbleiur eru alveg sjúklega dýrar en auðvitað er þægilegt að nota þær, ekkert vesen.
Við ætlum að mála allt áður en barnið kemur, ég vil hafa allt hreint og fínt og fullkomið, þó svo að barnið geri auðvitað engan greinamun á því hvort að það sé nýmálað eða ekki En svona er maður bara
Jæja þetta er orðið nóg í bili, endilega kvittið.
Kv BumbuDís

Nú er hægt að fara að meta þyngd og stærð fóstursins.
Það fer þó aðeins eftir hversu þung þú ert og hvar fylgjan liggur.
Barnið er farið að þrengja að innyflunum í þér.
Það hreyfir sig og réttir úr sér. Og það er farið að pissa, enda drekkur það hálfan lítra af legvatni á dag sem skilst nú út sem þvag.
Það er c.a. 1,3 kg að þyngd og er 37 cm langt.
 
Já ég finn svo sannarlega fyrir því að krílið er farið að þrengja að innyflunum á mér, stundum finnst mér það taka svo mikið pláss að ég get ekki ímyndað mér að það eigi eftir að stækka meira og taka meira pláss.
Stundum þegar ég ligg á hliðinni þá finn ég það spyrna niður og ýta upp bæði í einu, það er mjög furðuleg tilfinning.
Það hreyfir sig alveg á fullu en ég finn minna fyrir spörkum núna og meira fyrir snúningum og ýtingum.
Ég er farin að verða mun þyngri á mér og að labba upp stiga getur alveg verið eins og hálftími á fullu í ræktinni
Ég hef þyngst um 9 kg sem er alveg eðlileg þyngdaraukning hingað til.
Núna veit ég oft hvernig það snýr, finn fyrir rassinum og hausnum.
Nú fer að líða að því að ég fari að ná í og kaupa alla þessa hluti sem okkur vantar fyrir barnið... og vá það er alveg hellingur... En sem betur fer get ég fengið slatta af húsgögnunum lánuð. Takk stelpur

En nú kveð ég í bili (væri gaman ef lesendur myndu nenna að kommenta)
Kv BumbuDís

Broddmjólk gæti farið að vætla úr brjóstunum.
Ef þú ýtir við bumbunni þá getur fóstrið sparkað til baka.
Fóstrið er farið að dreyma.
Það vegur nú u.þ.b. 1 kg og er orðið 35 cm að lengd.
Það sem eftir er þyngist fóstrið um 27 g á dag að meðaltali.

Núna á ég tæpa 3. mánuði eftir, þannig að þetta fer að styttast. Uppáhaldsstaður barnsins virðist vera að liggja undir hægri rifbeinunum á mér og það getur truflað mig í ýmsu eins og að liggja á hægri hlið eða að skúra og þess háttar.
Ég fór í mæðraskoðun síðasta mánudag og það er allt eins og það á að vera, þyngd og stækkun samkvæmt kúrfunni og ég eins hress og við er að búast.
 Það sparkar mikið núna og snýr sér eins og fimleikastjarna, stundum vakna ég á morgnana við spörkin. Barnið virðist vera meiri morgun hani en mamma sín
Ég hef ekki neina sérstaka löngun í neitt sérstakt en ég er oft mjög þyrst.
Ég á eftir að stofna barnalandssíðu en er ekki tilbúin í það alveg strax, þannig að bumbumyndir fara inn á facebook ef ég nenni að setja þær inn.

Endilega takið þátt í könnuninni og segið hvað þið haldið.

Kv Bumbudís

Barnið iðkar nú öndunarhreyfingar í brjóstkassanum með reglulegu millibili.
Húð þess er orðin þéttari- ekki eins gegnsæ og áður.
Augu þess gera greinamun á myrkri og birtu. 

Það stendur að legið sé orðið eins og fótbolti, mér líður líka eins og ég sé með bolta fullan af vatni í maganum Krílið virðist vera mest duglegt að sparka þegar ég er að borða og svo þegar ég slappa af fyrir framan sjónvarpið eða les.
Ég er aðeins farin að finna fyrir spörkum hátt á maganum, en annars sparkar það mest niður ennþá.
Mér líður annars mjög vel líkamlega, hef smá verki í mjóbakinu og aðeins í mjöðmunum, en það er nú alls ekkert alvarlegt.
Tilfinninga viðbrögðin mín geta samt verið svolítið ofsafengin meðað við venjulega, en það eru nú mest held ég bara hormónarnir alveg að láta heyra til sín.
 Við leyfðum barninu að hlusta á tónlist með heyrnatólum um daginn og það brást skemmtilega við því, virtist finnast U2 skemmtilegastir
Ekkert nema gott með það

Annars er ég mest að skrifa þetta allt saman sem upprifjun fyrir mig, held að það gæti orðið gaman að lesa þetta seinna.

Kv bumbudís

Sagði ljósan í dag

Og allt eins og það á að vera... enda allt á fullu.

Komu jólin og allt var fínt og frábært.
Fékk fullt af jólapökkum og gaf fullt af jólapökkum ég ánægð og vonandi allir hinir líka


Gleðileg Jól og farsælt komandi ár.

Ásdís

Það eru alveg að koma jól og ég á eftir að gera allt. Það er allt í rúst heima hjá mér, sófi á ganginum, rusl og drasl út um allt. Það verður allt aftur skítugt 5 min eftir að ég þríf
Ég er ekki búin að kaupa eina einustu jólagjöf, hef ekkert komist suður. Er ekkert búin að kaupa inn fyrir jólin, kemst varla út í búð.

Þetta er ekki að ganga neitt sérlega vel hjá mér þetta árið
Gæti alveg hugsað mér að leggja mig bara þanngað til að þetta er allt búið, hefur aldrei hlakkað minna til jólanna en núna
Sem er mjög leiðinlegt af því að yfirleitt finnst mér þetta mjög skemmtilegur tími.  

Glatað

Með veðrið. Það var frost og logn og smá snjór í gær og núna er grenjandi rigning og hávaða rok.
Leiðinlegt en satt þá get ég látið veðrið pirra mig út í hið óendanlega þessa dagana þar sem að ég er ekki á bíl, og þegar að það er svona veður þá nenni ég ekki að fara út fyrir húsins dyr. Þannig að ég hangi bara heima.
En annars er ég farin að jólast aðeins, búin að setja upp jólagardínunar og set jafnvel ljósin í gluggana um helgina.

Það borgar sig alltaf að vera jákvæður, sama í hvaða aðstæðum það er.
En ég verð að viðurkenna að það er heljarinar æfing fyrir mig, ekki að ég sé alltaf svo neikvæð. En ég viðurkenni að oft á tíðum er ég aðeins of raunsýn, stundum svo mikið að ég fer alveg hringin.

Ég hef fullt af hlutum í lífinu mínu sem ég get verið glöð með, þannig að núna er ég að láta þá taka meira pláss í höfðinu á mér heldur en hina hlutina.

Mig langar svo að föndra og skreyta og jólaþrífa og baka. Það er alveg á hreinu að mín jól koma snemma í ár. Held að það sé nú bara gott mál
Finnst gott að hafa smá snjó og kulda og kertaljós og seríur.

Hlakka til að taka smáköku og te spjall við sætu vinkonur mínar. Það er planað næstum allan Desember